Dark Neon
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

روااايااااااااااااااااااااات

اذهب الى الأسفل

روااايااااااااااااااااااااات

مُساهمة من طرف <<< علمـني كيـف آنسـآأإكـ في الجمعة أكتوبر 28, 2011 6:05 am

***~~ * * * * * * * * * * * * * * * * * * { بسم الله الرحمن الرحيم }.
**اعرفكم على شخصيات روايتيً:
الجد ماجد: وهو اكبر العايله عشان كذا الكل يحترمه وكلمته دايم ماشيه وهو يحب عياله حييل ويحب احفاده *اكثثر بالذات واحد وراح نعرفه بالروايه*
الجده فاطمه : وهي حيل طيبه وقلبها على عيالها واحفادهاحيل يحبونها لانها هي اللي تفكهم من مشاكلهم مع اهاليهم*
** * * * *
** * * * * * * * * * * * * * * * * ( عايله ابو ماجد )*
ابو ماجد( سعد) : وهو اكبر اخوانه وهو اللي ماسك شركه ابوه * عصبي بس بسرعه يهدأ وطيب وحنون
ام ماجد: مررره طيبه وحنونه*
ماجد: اكبر اخوانه وعمره 24 سنه يشتغل بشركه جده اللي ماسكها ابوه طويل حنطاوي عيونه وسااع وحواجبه مرسومه ع العين ( تقدرون تقولون عنه انه شوي معقد وراح تعرفون بالروايه ليش )*
حور: عمرها 19 طويله جسمها خياال مره حلو وبيضه وعيونها ناعسه بنيه بنت مره طيوبه قلبها ابيض وحيل حساسه ماتحب تقول لاحد عن اللي بقلبها كتوومه لابعد حد وبسرعه تنسى الجرح الا اذا كان من شخص تحبه وحييل تعزه هني مستحييل تنسى وهي وحيده امها وابوها عشان كذا مدلعه*
نايف ونواف: تؤام ولا بالخياال مررره فله اعمارهم 15 سنه الجلسه ماتحلا الا معاهم ويحبون اختهم حييييل*

** * * * * * * * * * * * * * * * * ( *عايله ابو احمد )
ابو احمد( ناصر) : وهو يساعد اخوه ابو ماجد بالشركه واطيب اخوانه ومعروف عنه الكرم بس اذا عصب لحد يقرب صوبه*
ام احمد : انسانه مرره طيبه وتحب الكل وماعمرها كرهت احد*
احمد: عمره 24 سنه كبر ماجد وهو حييل مع ماجد من كانو صغار طويل اسمر وجسمه معظل بس مو حيل*
خالد: وعمره 21 سنه طويل احلا اخوانه حنطاوي وعيونه ذياحه وهذا مجنن البنات وجسمه روعه وخشمه سله سيف انسان فله يحب الوناسه والتنكيت*
منار: وهي حيل مع حور عمرها 19 سنه بيضه جسمها حلو بس شوي مليانه عيونها عسليه وطولها زين وطالعه على اخوها خالد فله وتحب الوناسه*
افنان : وهي اصغر من منار بسنه عمرها 18 سنه وحييل هاديه عكس اختها ملامحها طفوليها*
** * * * * * * * * * * * * * * **
** * * * * * * * * * * * * * * * * * * * * * * * * * * *( عايله ابو فيصل)*
ابو فيصل( سعود) : ويشتغل مع اخوانه بالشركه وحيل تكانه
ام فيصل: حبوبه والكل يحبها
فيصل: عمره 22طويل اسمراني عيونه عسليه ورموشه كثيفه يشتغل بشركه بروحه هو ماسسها ذكي مرره ويحب يعتمد على نفسه*
تركي : 21 سنه ومسافر مع عمه فهد امريكا يكمل دراسته*
غلا : عمرها 23 سنه متزوجه ولد عمها
** * * * * * * * * * * * * * * * * * * * * * * * * * * * *( عايله ابو طلال ) *
ابو طلال ( جاسم) :يشتغل مع اخواهه بالشركه رجل شوي متشدد وعصبي *
ام طلال :انسانه طيبه وهاديه*
طلال : عمره 24سنه متزوج من بنت عمه غلا وراعي سوالف يشتغل بشركه عمه*
راكان عمره 22 ابيض طويل موحيل مع العايله اكثر شي يطلع مع ربعه*
جنى : عمرها 19 سنه طولها زين وملامحها هاديه وعيونها بنيه وساع وبيضه*
امال : عمرها 18 سنه وهي حييل مع افنان مع انها عكس افنان بنت فله ومزعجه*

العم فهد : عمره 25 سنه ويشتغل بشركه صديقه سعود*




** * * * * * * * * * * * * * * * * * * * * * * * * * * *{البارت الاول}*
سأدون مافي قلبي بهذه الروايه واتركه لباقي السنين ساجعله للذكرى وخصوصا ذكرى قلب حزين عرف هذا القلب الخوف ومازال يبحث عن الحنين بقلب شخص يحبه*
دتخل هذه الروايه شخصيات تحكي عن عالمها الخاص والعام عن الحب والكره عن الوفاء والخيانه عن الفرح والحزن ،،،،،،


** * * * * * * * * * * * * * * *مؤلم ان يكذب عليك شخص وانت تعلم انه يكذب عليك
** * * * * * * * * * * * * * * * * * * * * * * لانك لاتريد خسااااارته :'(*
*
هذي كانت حياه طلال وغلا مع ان غلا ماكانت تدري عن كذب وخيانه طلال لها لان حبها له عماها كانت تحببه من هي صغيره وكانت كل ليله تحلم فيه وتفكر فيه وتتمنى انه يحبها مثل ماهي تحبه وتتزوجه وتحقق مناها بس مااكتمل تزوجه طلال بس ماحبها كثر ماهي تحبه*

** * * * * * * * * * * * * * * * * * * * في بيت غلا وطلال*
قبل اسبوع رجعو من شهر العسل كانت سهرانه تنتظر حبيبها يرجع ويتعشا معاها طالعت بالساعه وهي تتثأب وحوعانه*
غلا : الله الساعه 12 ونص شفيه تاخر ؟؟؟ الله يستر لايكون صار له شي*
فتح الباب ودخل وشافها قاعده بالصاله*
طلال : غلا!! شعندك قاعده؟*
غلا : سلامتك حبيبي بس قلت انطرك عشان تتعشا*
طلال : انا تعشيت برا شكراا تعشي انتي ونامي شكلك تعبانه وقرب منها وباس خدها*
غلا : اوك حبيبي انزين بتنام الحين ؟*
طلال : اي حدي تعبان وباكر وراي دوام*
غلاا :وك تصبح على خير وباست خده وراحت تتعشا وبقلبها تقول : ولا حتى كلف على نفسه يدق علي ويقولي انه ماراح يتعشا او جامل واكل معاي كم لقمه ؟

** * * * * * * * * * * * * * * * * * * * * * * * * * * بيت ابو ماجد*
بغرفه حور كانت قاعده على النت تسولف من صديقتها الروووح بالروووح سارا*

ياحلم وين المشكله لو تحققت؟*
ولكوووووم *غرييبه حور شابكه بهالحزه ؟؟؟؟*
كيفما اكوون لايشبهني الاخرون !*
يسلمووو *.... اي انا شابكه عشانك*
ياحلم وين المشكله لو تحققت ؟*
عشااني ؟؟؟؟؟ شصااار شنووو قوولي بسرررعه اكييد فيك شي*
كيفما اكوون لايشبهني الاخرون !*
لا مافيني شي بس مالي خلق باكر اداوم Sad*
ياحلم وين المشكله لو تحققت ؟*
ليش فيك شي ؟؟ انا عن نفسي جاهزه للغياب اذا تبين نغيب ترى عاادي Smile*
كيفما اكون لايشبهني الاخرون !*
لا مااقدر شكثر طوفت محاضرات *
ياحلم وين المشكله لو تحققت !
اي ماشاء الله عليك فوق الثلاث مرات غايبه ....*
*كيفما اكوون لايشبهني الاخرون !*
**اووووووف عن جد مو بيدي شسوي مااشبع نوم *
ياحلم وين المشكله لو تحققت ؟*
الله يستر منك حاسه في راسك شي*
كيفما اكوون لايشبهني الاخروون !*
خلي عنك هالخرابيط ... يلاا بررب ابغى اناام*
ياحلم وين المشكله لو تحققت*
تووووت نوم العوافي*

وسجلت خروجها من الاعوذ باالله وراحت تنام*

** * * * * *في الصبح في بيت ابو احمد *
ام احمد تصحي منار وافنان*
ام احمد: منااار افناان يلاا اصحوو يلاا يا افنان ترى الساعه 7 وربع
طمرت افنان من الفراش وشكلها حالهةمع كشتها : هاااا شنووو يمه *ليش ماصحيتيني مبكر الحين اكيد بيطوفني الحصه الاولى وركضت للحمام وانتو بكرامه*
اما منار نايمه بسابع نوومه وامها تصحيها : يامناار قوومي اخلصي علي اخرتي اختك على المدرسه واحمد معصب*
منار تتثأب وتتمغط: يووه يمه انا قايلتلك ان محاضرتي متاخر خلاص خلي احمد يروح انا بروح مع خالد*
ام احمد : لا وااله واخوك صاير له ساعه نااطرك اقوول يلاا اصحي وبدلي ترى خالد جالس يتريق
منار: انزي انزين كاني صحيت*
نزلت ام احمد تحت : احمد روح وصل افنان للمدرسه وخالد يوصل منار*
احمد : استغفر الله من هالبنت و حنا لي متى على هالحاله معاها *يلا افنان مشينا مع السلامه*
ام احمد : الله يسلمك ودير بالك من الطريق*
احمد : ان شاء الله*
خالد : يمه يلا تراني ماشي وين بنتك العاها*
ولا بنزلت منار : اقوول لايكثر بس وخلص وصلني تراني تاخرت على المحاضره*
ام احمد : تريقي اول بعدين يوصلك اخوك*
منار لا يمه مايمدي راح اتريق هناك*
ام احمد : اللي يريحك
خالد : اقوول مطولين يلا انا بالسياره*
وراحت منار ركبت السياره معاه
منار : اقول خويلد شغل مزيكا*
خالد خويلد بعينج اصغر عيالج تناديني كذا*
منار : والله مو كفو ادلعك *زين شغل مزيكا*
خالد : تت تت مافي مزيكا واووش ولا كلمه مالي خلق لصوتك*
منار : حاااصلك صووتي اووف انا شلي خلاني اروح معاك*
خالد : لا يكثر بسس يلا انزلي*
منار : اووه حوري مداومه *
خالد : هذي حور بنت عمي سعد؟*
منار نعم بلحمها وشحمها *اغمزت له وقالت عجبتك؟*
خالد : اقوول بتنزلين ولا شلووووون ؟؟*
منار خافت ونزلت*
منار : بوووو
حور: يممه قلبي يسم الله الرحمن الرحيم*
*منار : اسمله عليك لهالدرجه اخرع*
حور : فضحتينا بالشارع امشي ندخل*
منار : اووكي
دخلو الجامعه وجلسو يسولفون وكل وحده راحت محاضرتها

*في الشركه كان جالس يفكر في حبيبته اللي يحبها من الطفوله وتذكر موقف يوم كانو بالمزرعه كان عمره 13 سنه وهي 9 سنين*
كانو يلعبون بالمراجيح*
راكان : يالدبه*
افنان : ......*
راكان : يالدببه يالصمخه قاعد اكلمك ردي علي*
افنان: اسميي افنااان لاتقوول يالدبه*
راكان : بس انتي دبه ومرره شينه*
افنان كانت حساسه وبكت
راكان شافها تبكي وانهبل قعد يمها ومو عارف شنو يقول : افناان ليه تبكين ؟؟*
افنان : ....*
ركان : افناان ماكنت اقصد افنان خلاص لاتبكين انا الشين والدب وانتي الزين بس لاتبكين*
افنان: انا جد دبه ؟*
افنان يوم كانت صغيره كانت دبه بس يوم كبرت ضعفت
راكان : لا والله بس كنت ابي اغيضك خلاص افنان والله احبك ومااحب ازعلك وباس خدها*
*افنان استانست: يعني انا حلوه*
راكان : ايي يلاا خلينا نروح نلعب*
افنان : انزين*
ابتسم راكان يوم تذكر ايام الطفوله :: اااه يامخذه القلب كله*
** : كح حح اكيد انا اللي ماخذ قلبك ومخليك تضحك مع نفسك *
راكان : اااه ياخالد جيت بوقتك
خالد : سلامتك من الاه شفييك؟؟*
راكان : خالد انا محتااار
خالد : بشنوو ؟؟
راكان انا ابي اتزوج افنان ومادري احس اني مستعجل احس البنت ماتبيني*
خالد : سهالات روح كلمها وقولها احبك انتي تحبيني ولالا ؟*
راكان: يووه خالد ترى مالي خلق سخافاتك
خالد انزين شراايك بالي يقولك بيضبط لك خووش شغله عشان تعرف اذا تحبك او لا*
راكان : شنوو قوول ؟؟*
خالد : بقول لابوي يكلم عمامي نروح المزرعه حنا من زمان مارحنا ونبي نغير جوو دام الشتا بدا *والجو صاير حللو عاد انا اضبطك عندها هناك ونجيس النبظ اذا هي تحبك او شعور عادي او تكرهك ؟*
راكان : ايه بس تدري انا مااحب اطلع طلعات العائليه ومو متعود*
خالد : عاادي تتعود انت مو تبي تعرف اذا تحبك او لا*
راكان ايه*
خالد اجل اسمع الكلام*
راكان : امري لله خلاص تم
وراح خالد لمكتبه يكمل شغله*

بالمدرسه وبصف افنان وامال*
امال كعادتها موقفتها الابله عشان الازعاج اللي مسويته بالصف*
العنود : بنت عمك ذي ماتتوب*
افنان الله يهديها فيها دوده ماتقدر تقعد بمكانها هاديه لازم الاكشنات هذي *
*امال وهي اطالعهم من بعيد وحست انهم يحشون فيها : انتو عبالكم ماادري انكم تحشوون فيني*
الابله : اسكتي يابت ولا حوديكي للناظره واعملك استدعاء ولي امر*
امال : ليش ابله انا شنو سويت*
الابله بس اسكتي لا تراددين*
امال : ابله ظلم ابي اقعد تعبت وانا ماسويت شي*
الابله اطلعي براا*
امال : خلااص خلااص اسفه خلاص بسكت يلا وين وصلنا بالشرح*
والبنات قعدو يضحكون*

في الجامعه خلصو البنات من محاضراتهم*
حور : اووف ان شاء الله مو كذا متنقعين براا*
منار : اقول حور منو بيجي ياخذك ؟؟*
حور : السواق بس مدري ليه كذا تاخر*
ولا بصوت هرن السياره *
منار: حورهذا خالد جا تعالي اوصلك*
حور : لا ماله داعي الحين يجي السواق
منار : لا تصيرين كذا يلاا عاد خلصي تعالي لاتخليني احرجك
حور : يووه منك منار خلاص السواق بيجي*
منار : هين شوفي شنو بسوي*
وراحت للسياره وقالت لخالد : خالد حور بنت عمي سعد سواقهم تاخر وموراضيه تجي نوصلها*
خالد : احد قالك من قبل اني اشتغل تاكسي ؟؟*
منار : ياشينك حرام البنت تعبت من الوقفه كلمها ماتسمع كلامي*
خالد : انزين خلصي ادخلي السياره وانا اكلمها*
ونزل خالد لحور. وراح لصوبها*
حور: يووه وش ذاا موكنه خالد الله يقلعك يامناار ناقصتك انا*
خالد : سلام يابنت العم*
حور : وعليكم السلام
خالد : بختصر الموضوع واركبي نوصلك
حور : لا ماله داعي السواق الحين يجي*
خالد : مااحب اللي يعاند ومالي خلق احن يلا خلينا نوصلك الوقت تاخرة
منار مستحيه ومو عارفه شتقول : اوك*
خالد : ايوه خليك كذا شطوره*
وراحو السياره وحور بقلبها اتحلف بمنارر وعلى الموقف اللي سوته فيها ومنار ميته ضحك على شكل حور*
منار: مابغيتي تركبين انتي وراسك اليابس
خالد : بس لينته لها *
منار : اوول مرره حور تسمع الكلام وماتسوي اللي براسها*
حور : ...........*
طبعا حور ميته من الحيا ومو عارفه شتقول
*وصلو بيت حور*
حور: شكراا*
خالد ومنار : العفوو*
ونزلت حور ودخلت البيت*
ام ماجد كانت تصلح الغدا بالمطبخ*
حور : ماماا ليه السواق ماجاا*
ام ماجد : ليه هو ماجابك*
حور : لا جيت مع منار وخالد ولد عمي ناصر
ام ماجد : الله يجزاه خير زين وصلك * طيب انتي روحي بدلي وتعالي ساعديني*
حور : طيب بس وين بابا ؟؟*
ام ماجد : بالطريق ووااخوانك بغرفتهم مري عليهم وخليهم ينزلون*
حور : ان شاء الله
وراحت نادت اخوانها ودخلت غرفتها وانسدحت على فراشها *: اممممم ياااربي احس فيني طاقه ودي افرغها اوووف حدي مضايقه مادري شفيني استغفر الله*
وراحت غسلت وتوضت ولبست لها بجامه وصلت ونزلت تحت*
*
بيت ابو احمد
كانو متجمعين على طاوله.الطعام*
خالد: اقول يبا
ابو احمد : شعندك قول*
خالد : يبا من زمان عن المزرعه شرايك تعزم عمامي وجدي وجدتي على المزرعه الجو صاير حلو والشتا بدا ومن زماان ماتجمعنا*
مناار : اوووول مررره خالد يقول شي سنع وحلوو. *اي بابا تكفى من زماان ماتجمعنا نبي نغير جو*
خالد : اقوول انا طول عمري كلامي عسسل وحلوو بس مالقيت من يسمعني
ابو احمد : انا مواافق بس بشرررط*
خالد ومنار :شنووووو
ابو احمد : ام احمد عمري وحياتي موافقه ؟؟؟*
ام احمد: تدري فيني اي شي يسعد عيالي وحنا من زماان ماتجمعنا*
احمد: شرايكم باجر نروح المزرعه ونقعد ثلاث ايام ؟؟*
خالد *: مفيش مانع*
مناار : ايوووه عااشوو اخااوني ياحبني لكم*
ابو احمد : اوك تم شوي واكلم عمامكم*
منار : لالا كلمهم الحين*
ابو احمد : قلت بعد شوي*
خالد : لازم تنزف
احمد وام احمد يضحكون على شكل منار*
في بيت ابو فيصل*
كانو قاعدين برا في حديقتهم*
ابو فيصل : ماشاء الله على الجو صاير حلو*
ام فيصل : ايه صاير خيال ااه*
ابو فيصل : اسم الله عليك من الاه وش فيك؟؟*
ام فيصل : وش اقولك ياابو فيصل غلا وراحت تزوجت وتركي ومسافر له سنه ونص وفيصل مانشوفه دايم مشغول *بشركته*
ابو فيصل : هذي الحياه ياام فيصل *عيالك كبرو وكل واحد بيروح بطريقه*
ام فيصل : ودي بجمعه نتجمع من زمان ماتجمعنا*
ابو فيصل : والله ودي انا بعد بس مدري عن اخواني*
ولا بدخلت فيصل
فيصل : السلام عليكم *وراح حب راس امه وابوه*
ام فيصل : وينك ياوليدي ماتبين لاغدا تتغدا معانا ولا عشا*
فيصل: شسوي بعد هذا الشغل*
ام فيصل : مايصير كذا حياتك كلها شغل اقعد شوي ارتاح ونس نفسك*
ابو فيصل : خلاص ياام فيصل خفي ع الولد يلا روح بدل وتعال اقعد معانا*
فيصل : تسلم انا ببدل وبطلع مع سعود*
ابو فيصل : على راحتك وسلملي عليه*
فيصل : يوصل مع السلامه*
ابو فيصل وام فيصل : مع السلامه
في بيت ابو ماجد*
دق شخباركم ابو ماجد
ابو احمد : السلام عليكم*
ابو ماجد : وعليكم السلام ورحمه الله وبركاته*
ابو احمد : شلونك شخبارك عساك بخير*
ابو ماجد : بخير جعل الخير مايتعداك*
ابو احمد : عسى دوم. اقول وس رايك نطل باكر للمزرعه كلنا من زمان ماتجمعنا ونغير جو ونونس العيال شوي*
ابو ماجد : والله خوش فكره قلت لاخواني ؟؟*
ابو احمد : لا انا قلت اقولك دام انت الكبير وبعدين اقول للباقي*
ابو ماجد : خلاص تم انا ببلغ ام ماجد تبلغ الحريم والبنات *وانت بلغ باقي اخواني والعيال*
ابو احمد : تم*
ابو ماجد : يلا تامر على شي*
ابو احمد : سلامتك مع السلامه*
حور: بابا هذا عمو ؟
ابو ماجد : اي يقول باكر بنطلع كلنا للمزرعه*
حوور نقزت من ماكنها جدد وناااسه*
ام ماجد : اي والله من زمان ماتجمعنا*
ابو ماجد : بلغي الحريم والبنات باكر بنطلع وبنقعد ثلاث ايام*
ام ماجد : ان شاء الله*
حور طلعت للحديقه عند اخوانها نايف ونواف كانو يلعبون كوره
حور : نوااااف نااايف*
نايف ونواف : ووووووت ؟؟؟؟؟؟؟ واي يو تصارخين ؟؟*
حور : امحق لغه*
نايف : هذي ياحلوه اللغه الجديده*
نواف : اي ويمونها انجلش معرب*
حور : ماشاء الله وطبعا اللي اخترعها احفاد اينشتاين*
نواف : اقوول علامك تصارخين وش بغيتي منا ؟*
نايف : اي صح وش بغيتي*
حور : اقوول باكر عازمنا عموو للمزرعه وبنقعد ثلاث ايام*
نواف ونايف : ايواااااا عاااشووووو*
وقامو يناقزون ويرقصون*
حور : الحمد الله على نعمه العقل*
وراحت حور لغرفتها تتصل على بنت عمها منار بس ماردت عليها واتصلت على صديقتها سارا*
رن شخباركم سارا
سارا : هلاا وغلا. وكرتوون حلاا
حور : هلا فيك شلونك*
سارا : بخير الله يسلمك انتي شلونك*
حور. : عسى دوم انا بخير وينك قاطعه *حتى بالجامعه ماتبنين*
سارا : موجوده اي اليوم ماداومت راحتعلى نومه
حور : اهااا امممم وبعد
سارا: وش فيك انتي صايرلك كم يوم مو على بعضك ؟؟؟*
حور : اووووف مدري احس ودي اصارخ واركض بالشارع ببجامه البيت*
سارا : اااح قوويه لا انتي فيك شي وانا متاكده حووريي طلعي اللي بقلبك لاتخلين شي يلا انا اسمعك*
حور : سوير مافيني شي بس مدري يمكن عشان من زمااان ماطلعت ولا شفت بنات عمي حدى متملله اوووف شعور خاايس*
سارا : غريبه ؟؟؟؟*
حور : ليه ؟*
سارا : مو من عوايدك وبعدين انتي لو نحك كهبل الدنيا قدامك ماتنهبيلن ولا تتاثرين ودايم هاديه !!*
حور : ههههههه شدعوه حسستيني اني معقده ترى مو لهالدرجه*
سارا : والله هذا اللي انااشوفه*
حور : المهم ماعلينا امممم ماقتلك باكر عموو عازمنا على المزرعه*
سارا : حلوووو اجل روحي وطلعي كل حرتك وانهبلي ومااوصيك بالبانشيات والتفحيط*
حور : ههههه ان شااء الله افاا عليك .. اقول وش رايك تجين معانا*
سارا : ماضنتي اقدر امي تعبانه وماودي اخليها لحالها تدرين مالها احد غيري*
حور : سلامات ماتشوف شر*
سارا : الشر مايجيك حياتي.. اخليك الحين بروح اجلس عندها تامرين بشي*
حور : سلامتك وسلميلي عليها*
سارا : الله يسلمك يوصل. يلا مع السلامه*
حور مع السلامه*
وسكرت وراحت تجلس عند امها
ام سارا: من كلمتي ؟*
سارا : يمه هذي حور صديقتي وتسلم عليك*
ام سارا : الله يسلمها ياحليها شخبارها؟*
سارا : تمام*
ولا بدخلت خالها. *
** * : الحلوه شلونها*
سارا : واااي خالووو وراحت حضنته*
ام سارا : هلا وغلا بخوي الغالي وش لونك ؟*
فواز : بخير عساك بخير وشلونك انتي*
ام سارا : بخير*
فواز : وشلونك سوسو*
سارا : بخير جعلك دوم بخير*
وقعدو يسولفون*
طبعا ابو سارا متوفي من كان عمرها سنتين بحادث واللي رباها امها وخالها فواز وهي وحيده امها ومالها اخوان*
في بيت ابو طلال*
ابو طلال : ام طلال ترى باكر معزومين عند اخواني بالمزرعه*
ام طلال : واخيرااا بنتجمع*
ولا بدخلت امال*
امال وبيدها الحب الشمسي : شنووو شصاار كني سمعت حس مزرعه ؟؟؟؟؟*
ابو طلال : لا اله الا الله هذي من وين طلعت*
ودخل راكان: وش فيك انتي تصارخين ؟*
امال : بابا قوول وش صاير اي مزرعه تتكلم عنها ؟؟؟*
ابو طلال : باكر عمك سعود عازمنا على المزرعه*
امال قعدت تنتقز وااااو ونااااسه*
وراكان بقلبه : اووف يخرب بيتك طلعت مو هين ياخويلد*
امال : بابا كم يوم بنقعد ؟*
ابو طلال ثلاث ايام*
امال : وااااااي ونااسه بنروح المزرعه بروح ابلغ الشله*
ابو طلال : لا تنسون تبلغون طلال غلا*
ام طلال : انا شاء الله راح ابلغها*
وراحت امال فوق لغرفتها واتصلت على افنان*
امال : قوووه*
افنان : يقويك*
امال : افنانوو عنطي لك خووش خبر*
افنان : يارب انك تستر وشعندك ؟؟*
امال : اقوولك خوش خبر تقولين يارب انك تستر ؟؟*
افنان : هههه تذكرين اخر خبر منك وش سويتي فينا*
امال : ههههههه كان احلا خبر المهم بااكر معزومين بالمزرعه*
افنان : من جد وناااسه*
امال : اي ونااسه المهم جهزي عده الفله وباكر لنا لقاء*
افنان : لااا تكفين اعفيني من الفله انا مابي فلتك اللي اخرتعا تودينا بدواهي*
امال : صج مو كفو احسن ولا تجيني تقولين تكفين ونسينا باااي اشوفك باكر*
افنان : هههه اوك بايات
وراحت امال تجهز عده الفله على قولتها*
الساعه 12 بالليل والكل جهز للمزرعه ونامو*

خلص البارت الاول وان شاء الله *راح انزل البارت الثاني اذا عجبتكم*
avatar
<<< علمـني كيـف آنسـآأإكـ
المراقب العام
المراقب العام

عدد المساهمات : 103
تاريخ التسجيل : 25/10/2011
العمر : 28
الموقع : جده

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى